姜濤重新演繹張國榮《追》，唱功受讚。

【本報記者報道】人氣男團MIRROR成員姜濤為向已故巨星張國榮（哥哥）致敬，翻唱其經典電影《金枝玉葉》主題曲《追》。姜濤表示，從媽媽口中知「哥哥」的名字，從小已愛看電影《家有囍事》，覺得他將角色演繹得好傳神。除了演技及唱歌外，亦非常欣賞「哥哥」風趣幽默的性格。

環球唱片推出《REMEMBERING Leslie》企劃，向一代巨星張國榮（哥哥）致敬。姜濤重新演繹的《追》由徐浩擔任監製，並與黃兆銘共同編曲，在保留原作韻味的同時，注入新元素。

音域與己相近 翻唱《追》無難度

談到重新演繹《追》，姜濤表示唱得很舒服：「以前喺演唱會都唱過，知道自己屬於中音的Range（音域），呢隻歌都係中音區，首歌令我唱得好舒服。當然要聽番哥哥原版演繹，到重新去唱、編排過的時候，一定要有自己風格、唱法加落去，太依賴會畀人覺得太模仿，唔想畀人覺得係模仿，因為哥哥係模仿唔到。」

《追》的監製是與姜濤合作無間的徐浩，姜濤坦言，對方非常了解自己風格和聲線，錄音過程亦相當順利：「雖然之前演繹過呢隻歌一次，但用新嘅編曲完整地演繹，係需要邊唱邊搵感覺，好彩比想像中順利。首先隻歌嘅Range比較啱我，同埋同監製好熟，冇太多阻滯，本身預兩日錄，變咗一日就搞掂。」

至於對哥哥的印象，姜濤表示從小已經由媽媽和親戚口中聽到他的名字：「八、九十年代的一輩親戚都好鍾意哥哥，由細到大都有聽他們播《追》這歌。我有睇哥哥以前一些訪問，會感覺到他好放鬆，是好自信的一個人。」

哥哥《今夜不設防》訪談具魅力

電影《家有囍事》亦令姜濤留下深刻印象：「對小朋友來說是好鍾意睇，會覺得『點解佢可以將個角色做得咁傳神』。我另有了解《胭脂扣》，因為我看過梅姐（梅艷芳）入面有個橋段好好奇，於是搵番套戲來看，覺得他們真的做得好好，因為好少藝人可以把唱歌和演戲都做得好好。」

除了唱功和演技外，姜濤亦非常欣賞哥哥風趣幽默的性格：「我們現在做訪問多少都會有些拘謹，可能人生閱歷未夠，好多人都有睇過哥哥《今夜不設防》的訪問，他重新定義了什麼是Charm(魅力)，不會只是在鏡頭前一張相，而是談吐、氣質。現在的節目不會讓你吸煙去傾偈，但他可以好Chill，當年的Artist(演員)的人格魅力更加突出，哥哥是再突出的一位。」