黃智雯（左）首次聯同「帶貨女王」ViVi Cha

【本報記者報道】人氣花旦黃智雯（Mandy）早前於社交平台無預警下甜蜜晒婚照宣布結婚，上月尾旅行回港後已積極重投工作。除了拍劇，年底她更會與「胡說八道會」的好姊妹們飛到美國等地開巡迴演唱會，絕不減產做少奶奶。

近日Mandy首次聯同「帶貨女王」ViVi Chan大玩直播帶貨，介紹星級肌底護膚品，兩個多小時的直播，Mandy亳不怯場，盡顯帶貨專業，更主動幫網民姊妹向供應商即場「搲優惠」，做到買一送一，成功吸引超過3,000網民在線觀看兼瘋搶。

對於首次直播帶貨，Mandy表示開心又期待，因為本身家人都是ViVi直播粉絲。 「我家姐不嬲都睇開ViVi嘅直播，今日佢知我嚟直播，都叫哂全家上網入嚟支 持！」

語畢Mandy即表示已見到自己的阿姨及表嫂全面進場及留言大讚：「兩位都好靚！」令ViVi感到受寵若驚，剛開始介紹產品時都不禁面紅兼手震。

提到美容秘訣，Mandy自言自己是脆弱肌，雖然最近忙於拍新劇及為演唱會練歌 排舞，但認為護膚一定要勤力，即使工作忙碌及婚後都不會讓自己偷懶。「其實 我由10歲已經開始注重護膚，而家仍會堅持每日敷Mask（面膜），就算唔瞓都要；另外上妝前都會用保濕Toner（緊膚水）敷吓面，幾分鐘都已經得！」

面對首次會面的星級嘉賓，ViVi不忘為囝囝爭取福利，但笑言被同事取笑似集郵：「我囝囝小學六年班都識智雯，仲係咁同我講Mandy姐姐拍過咩劇，一陣我要幫佢拎Mandy簽名相呀。今次好榮幸佢哋6位靚靚入面，我已經同到兩個合作，希望之後夾到其他成員一齊再直播玩過！」

Mandy聞言表示要齊人相聚是十分難得，更希望之後有機會回香港、馬來西亞等地表演。