英皇歌手陳凱彤(Lillian)昨日24歲生日,前日她的粉絲包場為她慶生。生日會上,Lillian與粉絲大玩遊戲,期間更用腳玩美式桌球,不過腳法就麻麻。一輪熱身後,粉絲送上她喜愛的「Little Twin Star」蛋糕及禮物,有粉絲送上一條壯男手臂枕頭,Lillian笑說:「可能佢哋怕我Dry啦,擔心我無拖拍,我依家係Single,都Dry Dry哋㗎!哈哈,有隻壯男手臂都幾好,一見到就諗起班粉絲。」
生日前夕與粉絲過,正日就留畀屋企人,她說:「我哋屋企嘅傳統係會一齊切蛋糕同食飯。」至於生日願望,Lillian說:「我有三個願望,第一希我嘅音樂可以一路陪住大家;第二希望家人身體健康,因為近排屋企人身體唔係幾好,有啲擔心;最後一個願望唔講得,留番畀自己,哈哈。」 |