藝人伍詠薇、郭偉亮、余香凝和陳婉衡（Alycia）等前晚出席電影首映禮，有無綫「咪神」之稱的Alycia，穿上黑色跌膊低胸裙到場，相當吸睛。問到是否不怕冷，她說：「我好熱，今日坐港鐵嚟，所以好趕，衝上嚟身水身汗。（在港鐵咁着？）我有褸，低調啲，有搭港鐵經驗，多數會將個袋放喺前面。」

問到是否因無綫「限露令」而改在活動上晒身材，Alycia說：「唔一定少布就靚，最緊要靚。」又透露下周到北海道拍攝節目《3日2夜》，會有浸溫泉的場口，但她會用毛巾遮住，因為有其他水上活動，買了長袖防曬泳衣，公司都表示可以，加上是旅遊節目，大家不會因為性感才收看。

陳家樂長期監場

同場的張建聲被問到片中的他艷福不淺，他說：「我同余香凝主線較純潔，我想再狼死啲都唔得，因為陳生（余香凝男友陳家樂）長期監場。（有冇知會陳家樂？）我冇，唔知余香凝有冇。」

他又透露將為兩部電影擔任監製，對一部電影誕生開始有研究。問可有信心「刀仔鋸大樹」？他說：「唔好睇我滴晒汗，我好有信心㗎！兩部都會主演，難得朋友同投資方都信我，咁盡力去做多少少。我入咗行六七年，都想爭取時間攞多啲唔同知識畀自己。」他又透露要為網劇拍攝續集，最大問題是頭髮處理問題，對於工作安排要用白髮造型去演，很感恩，農曆年後可以染番黑，年中開續集才再染。 <採訪、攝影> 吳國明