剛榮獲「最受歡迎男女電視角色」獎的馬國明及蔡思貝昨日一同出席活動,雀躍分享得獎的興奮,感激背後默默支持的粉絲們,會以行動去演更多好戲。兩人獻唱兩首歌曲,更與粉絲在台上製作風車和寫揮春。
否認飲醉酒
問到是否已經收爐?馬明表示農曆新年後將開拍新劇並飾演醫生,提到前晚《降魔的》聚會中見到他飲得面紅紅,他表示被胡鴻鈞「喪隊」,並表示沒有飲醉。又表示有看國際中華小姐競選,問到是否覺得女友黃心穎靚啲?他表示各花入各眼,並表示在隔籬的蔡思貝靚啲!提到早前與心穎出國旅遊豪飲豪食,搞到大出血,他說:「我成日話自己窮,拍拖畀錢各有各,我請食飯,佢請睇戲。(去睇車係咪送車畀心穎?)唔係,我無錢換車。」問他情人節如何慶祝?馬國明表示當天要工作,送甚麼禮物給女友,他說:「唔話你聽!」問到新一年是否穿紅底褲過年?他指櫃中有一條放了多年的新「紅底」,希望無蟲咬。
「生得你出」
而蔡思貝希望情人節有工開,會買禮物獎勵自己,在旁的馬明即說:「你好多兵㗎喎!」問她與緋聞男友麥秋成還是余德丞過情人節,她指與麥秋成是好友:「14號唔係2月最重要嘅日子,6號先係,我生日,就嚟27歲!」馬明即說:「好後生啫,我生得你出。」被問女友心穎同樣年輕,他立即改口表示不是睇年紀。