英皇娛樂藝人衛詩雅、洪卓立同女友湯怡、陳家樂一同到屯門新開業的英皇戲院,率先體驗戲院的嶄新設施。衛詩雅、湯怡及陳家樂身為演員,為了學習及吸收不同演員的演技方法,乜嘢類型嘅戲都會睇;而歌手洪卓立就陪女友湯怡入戲院,最鍾意睇懸疑片。
陳家樂食為先
對於戲院嘅設備,各人都有唔同要求,衛詩雅着重視覺刺激:「我對螢幕幾有要求,因為入得戲院睇,你會希望睇到一啲最細微嘅嘢;自己身為演員,會特別留啲微表情或者眼神戲,我好希望個螢幕會好清晰咁帶到俾我。」
洪卓立同湯怡覺得音響同座位舒適度好緊要,家樂就「食」字行頭:「一路睇一路食嘢先過癮㗎嘛,所以我每次都會食一隻熱狗,仲要係落勁多茄汁、芥辣,哈哈。」
另外,四人都不約而同的戲院有特別經歷,洪卓立笑說:「細個第一次入戲院睇《侏羅記公園》,由於太緊張同埋被啲音響嚇親,尤其是啲恐龍聲,所以睇到一半就走咗啦。」
女友湯怡原來都係唔襟嚇,睇恐怖片被音響效果嚇到大叫。而衛詩雅說:「細個屋企附近有間舊式戲院,座位係木櫈,有次睇睇吓戲,覺得櫈下面有嘢『撩』我隻腳,原來有隻貓喺我腳邊行過。」至於陳家樂就因為自己過失而「斷送」一段姻緣:「試過有兩次約女仔去戲院睇戲,但係都約錯咗地方,即係約佢去A戲院,但我自己去咗B戲院,搞到最後呢段『愛情』就無疾而終。」