藝人陳豪與太太陳茵媺(Aimee)昨日到銅鑼灣出席新年活動,Aimee低胸上陣,現場氣溫轉涼加上下着毛毛雨,陳豪見太太衣着單薄,貼心為她披上外套,又十指緊扣欣賞表演,大晒恩愛。
讚太太廚藝110分
適逢昨日是初七「人日」,Aimee笑說:「Happy Birthdays!」兩人夫妻檔為新一年開工是個好開始,陳豪透露一家人留港過節,最開心是太太下廚煮團年飯,他則負責煮咖啡及煎年糕奉客,又大讚太太廚藝好:「最開心係太太煮飯,佢每年都係煮聖誕同團年兩個大餐,係新年先會煮廣東菜,要好多工夫,上年佢仲煮盆菜,由零開始。」他又表示給太太110分!
談到未有出埠度歲原因,他說:「因小朋友假期決定留低。」Aimee認為留港能讓小朋友感受新年氣氛。講到新一年大計,陳豪說:「希望家人平安、開開心心,一家人充滿愛,小朋友聽聽話話,快高長大。」
為仔做功課忙碌
育有兩子一女的兩人,問到會否計劃再生,Aimee聞言即說:「What?」陳豪笑說:「唔係生嘅問題。」Aimee聽到陳豪的反應即驚呼:「What do you say?」陳豪見狀急急安撫說:「大家冷靜啲先!最重要係照顧佢,要教育,所以暫時三個先!」再問他是否之後會再生?陳豪急說:「等我做埋啲功課先,依家日日排住隊要我做功課。」
至於未來的工作,Aimee表示拍廣告,活動及電影傾談中,有機會與老公合作。陳豪即笑說:「避咗好耐,避唔到喇!(抗拒演情侶?)我哋演情侶係咪有點兒哪個呢?(怕鏡頭前親熱尷尬?)唔好閂後門住,睇下藝術成分有幾多,都希望係感動到觀眾,可能有限度咁做。」