歌手吳業坤昨日到電台宣傳新歌《凱旋門》,今次音樂班底遠赴巴黎寫歌、錄音及拍MV,製作費高達六位數字,拍畢後留在當地玩了五天,又重提早前在IG談及的靈異事件,他說:「瞓瞓吓郁唔到,科學解釋係太攰,但又俗稱『畀鬼責』,都有兩三次不斷咁醒,凌晨5點打側瞓,好似有人打、抓我張床,又有啲細語聲,似係女仔。(咁咪艷遇?)都係,即刻講粗口,最後嗌得出!」
問到為何不要求轉房?他立即表示與Cousin Fung睡:「趴喺張枱成晚,第二晚就瞓地。換房都係一樣,唔夠膽自己瞓,張床又大,瞓到三個人。」
唔敢獨自旅行
坤坤表示以後不會獨自去旅行,訂酒店都會揀新酒店,他又搞笑表示在小時候都遇過同類事件。
另外,他又透露下月會往日本跟當地的音樂人、女歌手合作,而女歌手是新人,可能一起翻唱與JW那首《原來只因深愛着》。