回復單身一族的藝人陳貝兒,農曆新年與父母同遊東京,並將照片上載社交網站,還將35年前與父母第一次到東京遊埠兩輯相拼埋,大晒溫馨。陳貝兒留言:「人生第一次去旅行係媽咪、爹哋帶我去日本,當年我三歲。三歲人仔第一次出埠,對世界充滿好奇,多謝你哋帶我看世界。今年我哋一齊重遊日本。事隔多年,你哋話日本變咗,講真其實我真係無乜留意,我淨係覺得你哋無變。細個嘅時候開心係有你哋陪我去去樂園夾吓公仔,依家開心係見到你哋開心我就開心。希望爹哋、媽咪永遠身體健康,我哋要繼續一齊遊世界。」此行貝兒玩得十分開心,更盡情與父母食買玩,滿載而歸! |