藝人劉心悠、歌手胡琳和胡鴻鈞（Hubert）等前晚出席活動，將於4月1日37歲生日的心悠計劃搞BBQ派對，並透露與媽媽同一日生日。問到單身的她人生大事時，她說：「唔覺得依家咁好有型咩，我覺得自己一個好啲，其實想跳出呢個框框好耐，我又唔識煮飯，所以唔心急。」問到想揀甚麼類型？她坦言不清楚自己想要甚麼，所以不知怎樣揀：「好似你入間餐廳望個餐牌咁多嘢食，要諗好耐，因為你無特別想食咩，選擇恐懼症。（多選擇都要食？）但未肚餓！（會餓死？）今朝食完早餐到依家未食嘢，呢啲其實唔係最重要，最重要擺咩入口，要有營養，唔可以亂放嘢入口。」

胡琳凍傷康復八成

胡琳提到早前在冰島拍MV凍傷，她表示休息了四五日後才復工，日前出活動前塊面因皮膚炎滲水，她直言好恐怖：「都化唔到妝，大家望住我又唔敢話我知咩事，差啲喊，有人細細聲話畀我知仲有3分鐘開始，嗰刻個人崩潰咗。」她表示現時皮膚康復了八成，又趁休養期間苦中作樂，在社交網舉辦冰島P圖大賽，贏到比賽送福袋。胡琳表示現時有20多人參與，每次見到自己相片都會笑到失控。

另外，本月27日28歲生日的Hubert表示，將會有近200名粉絲為他搞生日派對：「每年都搞，佢哋好有心，租咗個Ball Room，多謝佢哋專登同我慶祝生日，演完『石敢當』之後最多人一次。」問到男朋友許廷鏗及吳業坤會否一齊來？Hubert說：「我啲男性朋友，等佢哋約，自己生日唔會主動約。」他呼籲一班歌迷不要送禮物，將錢捐出去做慈善，將收據送給他做生日禮物。