藝人林嘉欣昨日以大使身份到圓方出席第二屆香港兒童國際電影節活動，除了揀選電影，還為一班小朋友的音樂表演提供意見，更找來女兒的樂器老師幫手，教大家用回收物料奏出不同音樂。

自言只識做戲

嘉欣透露囡囡有學敲擊樂，但不太喜歡表演：「佢學音樂唔係為分數同為上台，等到適合嘅時候先決定。（佢嘅音樂天分好過你？）我真係無呢個天分，我只係識做戲，做戲開心好多，小朋友嘅發展就順其自然啦，佢哋鍾意做乜就做乜。」

問到暑假會為女兒安排甚麼活動？嘉欣表示會跟她們玩和游泳，因為她們平時星期一至五都有活動，暑假就輕鬆一點，約朋友和「放電」。

未咁快有男友

提到母女間每晚睡前都有pillow talk，嘉欣指女兒有很多話跟自己說，例如學校和同學的事。至於有否談到男朋友？嘉欣否認說：「多數係生活上嘅嘢，未去到八卦嘢，我都唔希望佢哋咁快同我講男朋友。（唔捨得個女拍拖？）佢哋爸爸應該唔捨得多啲、辛苦啲，我作為媽媽就會一路同佢哋保持住會傾偈嘅關係。」

嘉欣指這件事尚未發生，因為大女今年七歲半，而細女只得五歲，嘉欣笑言未想到將來，先想暑假看甚麼電影會更開心。 <文>娛樂部 <攝影>梁迺枬