星夢今年的女新人戴祖儀(Joey)早前為首支單曲《未開始的故事》拍攝MV,今次新歌也是她首個有份演出的TVB劇集《愛情沒有來的時候》主題曲,更邀得洪永城(Tony)擔任MV男主角。
Joey:「我同Tony喺之前拍《愛情沒有來的時候》認識,大家一齊去台灣拍攝這個劇集,好好玩好開心嘅一個經驗,學到好多嘢。好多謝Tony幫我做MV男主角,真係無諗過佢一口答應,好榮幸得到佢MV嘅第一次。」
怕被雙眼電親
MV裏有不少親密鏡頭,因為兩人已經合作過,拍攝時也沒有特別尷尬,Joey更大讚Tony雙眼原來好有電力,有時都要避開免得被電倒。
Joey:「好興奮可以主唱自己有份演出的劇集主題曲,其實呢首歌就好似講緊自己,音樂係我最想做嘅野,依家揀咗自己想嘅路去行,中途可能會遇上有好多困難,要記得好似歌詞『不可三心兩意,學會堅持』,慢慢一步一步咁踏出去開始我『未開始的故事』。」