藝員楊明、蔡思貝、張振朗、湯洛雯、鄧佩儀等昨日現身在將軍澳電視城,為新劇《機場特警》試造型及舉行拜神儀式。張振朗(Owen)與湯洛雯(靚湯)分別飾演特警和空姐,二人劇中會有親吻戲份,靚湯問張振朗是否很期待與她拍咀戲時?振朗笑言:「像是你比較期待。」
被嘲變「肥湯」
問到靚湯戲中可有性感場面?她笑說:「着制服已經夠性感。」近日發福膨脹了的靚湯,被張振朗笑指她變了「肥湯」,比特警更加大隻、健碩,靚湯未因此而嬲嬲豬,更欣然接受,向好方面着想,她笑說:「可能因禍得福,遲些有纖體廣告找我做代言,到時有錢賺,又可以變回做『靚湯』,幾有彈性。」振朗繼續取笑靚湯,指她努力減磅,已經食得清淡,減了些少,所以無可能大隻過機場特警。靚湯就叫張振朗加油努力,否則自已會比他更大隻。現已120磅的靚湯表示,有信心減磅回復到選美時狀態,希望可以減去10磅。
張振朗承認因角色需要,他都要努力操弗,由於之前開劇沒有時間操練,只好以鋼條型去晒腹肌,他笑說:「這套劇可能是史上最多除衫戲的一齣劇,劇中好多成班人除衫沖涼戲份。」
楊明操肌曬黑
而演機場特警的楊明當然亦操肌和曬黑,因為劇中有赤膞上陣的跑步操練戲份,亦有不少更衣室除衫戲,楊明更自嘲說:「覺得自已比較像是機場更衣室特警。」
為演特警剪了一頭短髮的蔡思貝表示,留長頭髮已經一兩年,再剪短頭髮都怕觀眾未能接受,指今次剪短頭髮意義重大,她說:「好似由頭開始般,自己親手剪頭髮,剪的時候眼淚在心裏流,但演到這個角色,有挑戰性,都覺值得。」講到好友余德丞出院,蔡思貝可能怕被指代言,只輕描淡寫說已經去過探望對方,指他情況還可以,其他就沒再多言。