藝人肥媽和陸浩明(6號)昨日為節目《肥媽優質食好D》進行拜神儀式,肥媽指節目只有五集,笑言很快可以煞科,又慶幸終於可以用靚食材:「呢啲節目好好撈,好似喺屋企煮飯咁。」6號稱每集都有全牛或全豬等不同主題,觀眾可以學煮優質肉。肥媽透露之後會到澳洲出席有機農場開幕活動,為幾百人炮製靚牛肉。
海外粉絲多
講到二人在海外有很多粉絲,6號表示日前在希臘被中美洲粉絲認出,而肥媽在哥斯達黎加及瓦努瓦圖亦有人認識:「我去到洛杉磯嘅中菜餐廳,啲人會推介食物,又會問我點整長腳蟹嗰啲靚食材,不過有內地粉絲不知我識唱歌。」她很開心節目吸納師奶粉絲,還有小朋友及年輕人,笑言大家喜歡看她打6號屁股,會徇眾要求照做。
買樓才結婚
另外,6號早前與女友去希臘旅行,卻被誤會影婚照,他笑言真有喜事,就是女友生日:「嗰張相係我見到有對情侶影相,所以用emoji遮住佢哋。」肥媽又向他催婚,指陳展鵬也結了婚,6號也要大鵬展翅高飛。6號卻自嘲是小鳥,想在香港買到樓才踏入人生新階段。<文>娛樂部<攝影>梁迺枬