影后鄧麗欣（Stephy）與顧定軒昨日到尖沙咀出席一個自閉症兒童活動，現場有家長分享與自閉症兒童相處感受，大會亦設有卡通公仔作義賣籌款。現場的卡通人物AP鴨，原來是Stephy小時候最喜歡的卡通人物，她說：「記得佢出過一隻好大嘅公仔，大到一手攬唔晒，我當時諗如果邊個送畀我，就會嫁給他，後來上了中學真有男仔送畀我，但覺得自己好蠢，幾百蚊就奪取芳心。（佢想追你？）係，最後都接受咗鴨仔同個男仔，但只係puppy love。」

未買禮物給男友

談及工作，Stephy表示拍戲已近尾聲，至於聖誕節仍未安排：「因為之前唔知套戲幾時拍完。」問到會否飛台灣與男友邱勝翊（王子）過聖誕？她說：「可能佢飛過嚟，都要睇佢嘅工作。（送咩禮物畀男友？）未，好頭痛，我買禮物好差，每年都會同朋友交換禮物，會將屋企唔要嘅嘢送出去，可以環保。」兩人第一個聖誕節倍添浪漫？Stephy說：「就算要浪漫都係佢搞啦，聖誕無所謂，我比較着重生日多啲。」