歌手鍾舒漫(Sherman)昨日到商台宣傳新歌《黑人問題》,講到舊愛吳浩康(Deep)開腔談及「翻撻」一事,問到她可會再接受對方做男友?Sherman說:「我一向接受呢個人,大家傾偈當然有以前回憶畫面,但唔會有以前情感,唔會咁膚淺講復合,佢唔會無端端講呢啲。(佢話如果要復合必定係佢踏出第一步?)佢咁答係gentlemen,始終男仔點都要有風度。(佢對呢件事無好決絕?)never say never好正路,唔會為自己斷定將來。」問到如果對方主動翻撻會否答應?Sherman重申不談此事。」
專心工作
Sherman直言二人已昇華有更深的關係,但否定二人會結婚:「昇華唔一定係結婚,大家依家都專心工作。」對於有指Deep怕Sherman的父母不接受,Sherman說:「父母無嘢,間中媽咪都問吓佢嘅近況。」