師兄劉浩龍自從去年為演唱會開始健身,日子有功,養成「食極唔肥」的健碩身型。他表示最喜歡在農曆新年吃蘿蔔糕,又自爆吃了不少,但事後不敢怠慢,賀年之餘都要繼續「做GYM」作平衡。他解釋,現時練成只要堅持做運動,就可以盡情進食的體質。精益求精的師兄在社交平台笑稱自己是「肥龍」,勉勵自己新一年「繼續堅持、繼續努力」。
為動畫配音聲演奸狡狗仔
提到豬年首個工作大計,師兄預告將為一套動畫電影配音。他指:「今次好開心幫卡通片配音,係我入行以嚟第一次,我自己都好期待呢個新嘗試。呢套戲大人細路都啱睇,而我負責聲演一隻奸狡嘅狗仔,希望大家到時入場睇吓我點奸法啦。」
師兄早前又為中文大學逸夫書院千人宴擔任表演嘉賓,他指自己由2004年到今年共參加六次千人宴,每次出席都好期待,雖然學生不同,但次次反應都「最好最好」。今年師兄獻唱《Change Your Life》、《思覺失調》,師兄感動道:「在場學生大多係零零後,我之前上網睇過零零後對香港男歌手嘅認識,見到『吳浩龍』、『周國龍』嘅答案,估唔到佢哋今晚都跟住我一齊唱,仲好熱情唔畀我走呀!」師兄隨即Encore半首《二等天使》,又大讚學生反應「好正」,自己都好開心。他又趁機與同場嘉賓修哥胡楓Selfie,師兄透露,原來2月壽星修哥是千人宴吉祥物,年年都會出席支持。 |