王祖藍執導的電影《你咪理,我愛你!》上映逾兩星期,票房直衝900萬。為了答謝一眾觀眾在支持,祖藍由1月31日開始瘋狂謝票,只要人在香港,便由早上10點多開始,跑勻港九新界多間戲院誠心謝票,最高紀錄一日跑足13場,當中有些更是突襲加碼「謝票更」,令入場觀眾喜出望外。 經過個多星期「喪跑」,祖藍最終謝了125場票,誠意絕對爆燈。問到祖藍為何要如此勞心勞力謝票,他笑謂:「咁話晒第一次做導演,都知自己有好多不足嘅地方,所以都好想喺戲院度問吓觀眾嘅第一身意見,希望之後盡量改善。」
感激好友力撐
他更笑言是次謝票之旅難忘位數之不盡:「首先最難忘嘅,係有一個family竟然拉大隊嚟睇,為數有成18人。第二係要多謝好多藝人朋友,佢哋雖然只係客串,但個個都好落力謝票,好似方力申、王菀之、白只、劉雅麗、梁嘉琪、陳明恩、大肚嘅岑麗香、苟姑娘、郭晉安、何遠東、蝦頭、吳業坤、王浩信等,另外,祥師兄(阮兆祥)仲包場請《一圈圈》聽眾睇,真係好多謝好多謝佢哋。第三就係因為有時趕location,成日無時間食嘢,所以我最終10零日入面瘦咗五磅,都幾好吖。」
|