2021年 04月 19日
星期一
   | 氣 溫 : 22 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

放老公偉仔長假任玩 劉嘉玲:佢開心就得
發佈日期 : 2019-03-01

劉嘉玲喜歡買珠寶,最愛紅寶石。
劉嘉玲透視低胸裝現身,十分吸睛。
惠英紅心情大靚,任影唔嬲。
陳豪讚太太陳茵媺教小朋友好叻。
劉嘉玲喜歡買珠寶,最愛紅寶石。
劉嘉玲透視低胸裝現身,十分吸睛。


人劉嘉玲昨日出席珠寶活動時大晒事業線,十分性感;她表示老公梁朝偉出埠仍未返港,正在當地玩滑水、騎越野單車及單車等,問到放旗下藝人老公長假時,她笑言:「離晒大譜,靠佢就慘啦,不過佢開心就得!」



劉嘉玲、惠英紅及陳豪等昨日到中環出席「BVLGARI Wild Pop高級珠寶系列」晚宴活動,以透視低胸裝現身的嘉玲十分吸睛,她表示喜歡買珠寶,起初鍾意白鑽,現在愛上紅寶石,並隨即揚起手上巨型紅寶石戒指,並指老公梁朝偉亦會欣賞珠寶,嘉玲笑說:「佢識欣賞我就得啦,我係最值錢嘅珠寶。」


早前她與偉仔到日本滑雪,但偉仔仍未返港,去了玩滑水、騎越野單車及單車等。問到她容許旗下藝人放長假?嘉玲笑說:「離晒大譜,靠佢就慘啦,不過佢開心就得,佢揾緊自己嘅突破點,我都明,九十幾分嘅演員,係好難再突破。」


談到在上海豪宅氣派十足,而香港大宅則充滿電影《花樣年華》的氣氛,嘉玲說:「上海媽咪住緊,香港嗰間係我用嚟請客嘅,其他地方無物業。」對於財政預算案計劃注資10億支持香港電影,嘉玲表示是一支強心針,香港有這麼好的先天條件,又有專業人才,香港電影之前帶領亞洲,不可以被人過晒頭,所以不要放棄。


惠英紅預告攞獎派福利


惠英紅以透視連身裙上陣,並表示為《亞洲電影節》揀選好戰衣,笑言不會玩性感:「露極都無人睇,唔好同啲後生女搶,費事畀人笑!」近年有不少美魔女晒水着相,惠英紅坦言收埋不少泳衣照:「如果我攞到獎,就甫上網派福利,要諗吓一件頭定比堅尼!」她表示年輕時拍下很多性感泳衣照,但平時游水愛穿潛水衣款式,因試過着比堅尼游水甩帶。另外,她又指不敢做劇烈運動,因早前拍戲時膝頭受傷,睇了幾次醫生現在還痛。


提到政府向電影發展基金會注資10億元,惠紅英說:「我初出道時電影業最蓬勃,一年有四百幾部戲拍,但依家可能一年都唔夠20套港產片開工,所以大家出番啲力都係好事,有政府資助當然有幫助。」


陳豪讚陳茵媺教子女叻


獨自赴會的陳豪表示太太陳茵媺(Aimee)要留在家中照顧小朋友,他指每次外出工作,都要確保有一個大人在家中照顧小朋友才放心。問到小朋友是否黐身?他說:「都黐㗎!不過如果我哋出埠工作,會提早兩個星期甚至一個月前通知佢哋,等佢哋有心理準備。」


談及照顧小朋友的難處,他表示雖然想小朋友學識獨立,但作為父母又想子女可以依賴自己,所以好大矛盾。問到是否最不捨得囡囡獨立?他說:「囡囡比較嗲,但其實每一個都咁唔捨得,而且我仔女一樣咁寵愛。」陳豪又大讚教小朋友方面太太比他叻,太太一叫子女就即刻做,相反就懶理他,夫婦亦因教子女有分歧,但不會嗌交,會理性討論。



您可能有興趣:

1
寰亞叱咤奪九獎成大贏家 鄧小巧On仔黃淑蔓 開心爆喊

2
奪新力軍銅獎當鞭策 姜濤與Kay合作壓力超大

3
重視陪伴女兒成長 黃婉曼絕不做虎媽

4
李麗珊與風之后撞名榮幸 譚嘉儀祝鄭俊弘三年抱兩

5
緋聞情侶 奉旨談情 陳家樂貼心照顧陳瀅勁冧

6
馮素波余子明開騷 古天樂買幾百張飛力撐

7
拍性騷擾戲NG 10次 劉錫賢尷尬寧願跳樓

8
孝順仔帶父母返家鄉開騷 任賢齊陪歌迷 一起倒數

9
殘奧金牌得主蘇樺偉熱血登場

10
台慶改名主題「珍惜香港」 林凱恩表演舞蹈志在參與

11
「細龍太」抬起頭做人 陳偉琪:一切都會更好

12
首次拍賀歲片星級待遇 唐貝詩向李璨琛偷師 笑爆肚

13
低調赴會為慈善 竇靖童自彈自唱

14
來港謝票惹哭男觀眾 李淳蔡瑞雪大感驚喜

15
巡唱第二站邀音樂才子做嘉賓 關心妍穿高衩裙 遭老公投訴 


首頁