薛凱琪(Fiona)被公認擁有白皙細嫩肌膚,其實她亦花了不少時間鑽研防曬工夫,其中一個秘訣,是袋中常備一支防曬乳液,「之前其實試過唔少防曬用品,早前因為接拍OLAY廣告,而試用呢支袋裝防曬乳液,方便帶出街隨時用,加上質地好潤,搽上面唔會有繃繃緊嘅感覺。」
防曬三寶必跟身
美白和減肥一樣,並非一朝一夕,Fiona回想初入行,拍攝處女劇《學警雄心》時,因天天外景天天曬,不懂護理皮膚的她,日日在拍攝場地中「裸曬」,結果白滑女神慘變一碟墨汁意粉。
Fiona表示:「其實防曬真係好重要,因為紫外線有機會導致有皮膚癌,細個唔識點防曬,嗰時拍《學警》,24小時都要同陽光玩遊戲,就係咁,嗰半年晚晚屋企一熄燈,我就好似變咗隱形人一樣。」
為免歷史重演,Fiona往後積極為皮膚進行美白工程,防曬三寶(防曬乳液、太陽帽、太陽眼鏡)必定跟身,「自己成日拍外景,接觸陽光係無可避免,尤其喺夏天,成日會標汗同出油,太陽紫外線又會搞到個人好乾。所以出門口前都會做足準備工夫。」 |