2020年 06月 06日
星期六
   | 氣 溫 : 26 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

基仔結婚五年無動靜 克勤催生B:要有舉同動
發佈日期 : 2019-04-14

林夏薇、胡定欣、蒙嘉慧等齊捧場。
古巨基前晚舉行第二場個唱。
李克勤向基仔教授生仔心得。
基仔與現場觀眾大合唱。
林夏薇、胡定欣、蒙嘉慧等齊捧場。
古巨基前晚舉行第二場個唱。


前晚《古巨基we世界巡迴演唱會part 2》請來李克勤做嘉賓,克勸一上台就大放笑彈,教基仔唔好剩係「摸」,要有舉同動,否則點樣生仔?令全場觀眾笑到肚痛,十分開心。


已為人父的李克勤,前晚擔任古巨基個唱嘉賓,克勤十分擔心基仔結婚五年還未有BB,前晚跟基仔合唱完《夏日之神話》帶起全場高潮之後,就開始放笑彈:「我聽講尋晚個嘉賓(容祖兒)爆你兩公婆成日摸手摸腳。」基仔回話:「係啦,都唔知有咩咁出奇…」克勤再說:「其實呢啲情景我都見過呀!哈哈,但係我好想問你,點解你剩係摸呢?點解咁耐都摸唔出啲咩嚟㗎?」觀眾聞言即起哄和應,大力拍掌兼大笑,克勤再繼續說:「你唔好剩係摸得㗎,要有舉同埋動先得呀!」隨即笑到大家肚痛。


學阿倫倒掛金鈎


基仔就虛心向克勤請教:「我知你堅呀,你出咗兩大舊!我都要向你請教!」克勤就教路:「我都係譚詠麟教我,你想生仔定生女?生仔呢,阿倫話要倒掛金鈎!生女就要用一招腳趾尾拉西!」聽到一頭霧水的基仔,唔知好嬲定好笑,差點招架不來,反問:「我想問,倒掛金鈎,你掛定老婆掛?拉西我剩係覺得腳趾尾好赤喎!用邊個腳趾尾先?哈哈哈!」克勤說:「呢啲只可以意會啦!講出嚟無無意思,哈哈哈!你feel唔feel到?feel唔到去問吓校長啦,叫佢詳細教你。」


觀眾一齊大合唱


其後克勤與基仔就在時光機舊照前合影,然後基仔去換衫,克勤獨唱前話:「做得嘉賓當然知道自己係咩位置,除咗搞㷫個場,同埋畀時間主角換衫,不外乎畀時間大家去吓廁所。我知道人嘅膀胱容量有限,為咗唔想大家有記掛,我今晚無揀耳熟能詳啲歌,如果我唱《紅日》、《月半小夜曲》你哋又唔捨得去廁所,所以我揀咗隻大家唔係好識嘅歌,但係兩年前都係好流行嘅歌。」之後唱出《失魂記》,現場觀眾拍手歡迎,當然無人去廁所!安歌唱《亂世情侶》時,全場觀眾更一齊大合唱。此外,前晚捧場的好友有胡定欣、蒙嘉慧、關心妍夫婦等。


您可能有興趣:

1
寰亞叱咤奪九獎成大贏家 鄧小巧On仔黃淑蔓 開心爆喊

2
奪新力軍銅獎當鞭策 姜濤與Kay合作壓力超大

3
重視陪伴女兒成長 黃婉曼絕不做虎媽

4
李麗珊與風之后撞名榮幸 譚嘉儀祝鄭俊弘三年抱兩

5
緋聞情侶 奉旨談情 陳家樂貼心照顧陳瀅勁冧

6
馮素波余子明開騷 古天樂買幾百張飛力撐

7
拍性騷擾戲NG 10次 劉錫賢尷尬寧願跳樓

8
孝順仔帶父母返家鄉開騷 任賢齊陪歌迷 一起倒數

9
殘奧金牌得主蘇樺偉熱血登場

10
台慶改名主題「珍惜香港」 林凱恩表演舞蹈志在參與

11
「細龍太」抬起頭做人 陳偉琪:一切都會更好

12
首次拍賀歲片星級待遇 唐貝詩向李璨琛偷師 笑爆肚

13
低調赴會為慈善 竇靖童自彈自唱

14
來港謝票惹哭男觀眾 李淳蔡瑞雪大感驚喜

15
巡唱第二站邀音樂才子做嘉賓 關心妍穿高衩裙 遭老公投訴 


首頁