現年59歲的毛舜筠駐顏有術,她自言皮膚是天生的,是遺傳自父母的優良因子,天生麗質的她更將此遺傳給女兒;而蘇玉華則表示袁富華有提議兩pair人一齊結婚,但卻遭她的男友潘燦良反對。<文>娛樂部<攝影>梁迺枬
毛舜筠(毛姐)、蘇玉華、潘燦良、倪晨曦及何超蓮等前晚在尖沙咀出席護膚品牌酒會。毛姐表示肥瘦可以是後天的,皮膚卻是天生的,她自言皮膚狀態好是遺傳自父母:「我啲女皮膚都唔錯,都要多謝髮型同化妝師成日悉心幫我扮靚。」她笑言女兒除遺傳了她的靚皮膚外,亦有她喜愛的運動、整潔及善良的心。 談到59歲的她,有指在金像獎當晚的打扮驟看似胡定欣,年輕了很多,毛姐笑說:「唔係應該話佢似我咩?我年紀大過佢,我就唔覺得似,似佢媽媽呀?不過都開心同多謝,話晒我唔止大佢10年嘛!」
很期待與袁富華合作
蘇玉華以deep V晚裝上陣,與男友潘燦良拍拖到場,談到二人護膚心得,她說:「好單向,就係我幫佢,不過佢皮膚幾好,天生麗質。」潘燦良笑言自己塊面大:「我用多好多護膚品,淨係伸個頭出嚟就得!」蘇玉華即說:「小心講嘢呀!」潘燦良答:「我意思係話伸塊面呀。」經常獲女友幫手護膚的潘燦良自認幸福。 對於失落金像獎「最佳男配角「,潘燦良說:「有機會提名已經開心,同女友一齊出席參與好好玩,21年前有機會提名,但遺憾無出席,今次好似去主題樂園玩咗一晚。」他表示獲獎的袁富華是其好友兼前輩:「大家識咗咁年都無合作過,好期待,聽聞《逆流大叔》導演想搵原班人馬搞一部戲,用另一個題材延續。」蘇玉華透露,她在金像獎頒獎前看好袁富華及潘燦良,三人約定誰得獎便要請食飯,蘇玉華說:「我最開心,負責食最着數。」 談到結婚問題,蘇玉華笑指袁富華有提議兩pair「一齊結」,潘燦良卻反對:「分開玩兩日嘛。(真係有計劃?)不嬲都有,不過懶咋。」
倪晨曦年底註冊結婚
倪晨曦前晚穿上性感低V裙出席,她表示只要健康性感就可以,沒有刻意讓未婚夫先看,她說:「不過佢接受唔到我演咀戲同床戲,有時演戲唔一定做情侶,我做癲婆都可以。」倪晨曦又表示,年底會在香港註冊結婚。 |