陳瀅、張振朗、張兆輝、姚瑩瑩、謝東閔、王卓淇、羅蘭等等昨日昨天為主演的TVB劇集《全職沒女》出席「沒女魅力『床』不了」宣傳活動,陳瀅玩遊戲時要情挑張振朗,不但在大騷香肩,更拉開張振朗的外套和T恤,令張振朗露出肚皮及孖煙,最後陳瀅更海棠春睡於道具床上完成遊戲,場面令張振朗面紅紅尷尬地笑。
<採訪>娛樂部
張振朗笑言,剛才差點爆血管和心臟病發,個頭都濕晒,更不知露了內褲。陳瀅就爆他愛在大庭廣眾換衫,經常除剩底褲,成日睇到他的全相,不過是有着緊身底褲的。之前拍宣傳片,因為張振朗條底褲太緊,要揾條大些給他。張振朗解釋,因為怕穿太鬆的褲會走光,又否認自己是露體狂,主要是因更衣室無位,他才躲在衣櫃後換褲,所以懷疑陳瀅為何會睇到?陳瀅自言鍾意大隻的男生,而張振朗太瘦了。陳瀅對於戲中要姣溝張振朗,她坦言起初都尷尬:「但如果收收埋埋,做唔到個效果,有朋友話睇得出我好落力,但都係差啲,睇得出唔係我強項。」
有份參演的曾守明日前不幸猝逝,司儀林淑敏介紹演員出場時,指對方的精神與他們一起。
張兆輝勿再轉發出事短片
提到曾守明,張兆輝眼紅紅說:「好大感觸,佢離開前幾日我哋仲有Whatsapp,佢話見到我同個女嘅報道,覺得好溫馨好羨慕,而且我哋以前成日合作拍戲演紀律部隊,大家都叫佢『老虎』,所以突然聽到呢個消息,好難接受。」他又希望大家不要再轉發守明出事的短片:「我想藝人都想將自己最好一面帶畀觀眾,相信守明都一樣,最近網上流傳佢出事的片段,我無睇亦唔想睇,希望大家都不要再轉發。」他又稱,雖然跟曾太不熟絡,但都有同監製講看看有甚麼可以幫忙,總之希望他在另一個地方開心快樂。
|