藝人陳凱琳(Grace)到電台宣傳劇集《平安谷之詭谷傳說》,談及劇集收視理想,Grace表示不敢讓男友鄭嘉穎收看,因為她很緊張嘉穎評價,覺得還未過到他那關,問到是否驚給嘉穎睇到與戲入面老公黃浩然咀戲?她說:「雖然套戲係民初戲,但因我喺外國返思想較開放一啲,同埋啱啱新婚,要畀觀眾覺得我哋仲係好恩愛先會咁。(同嘉穎喺屋企都會成日咀?)適當嘅時候喇,無理由嗰頭嗌交轉頭又錫錫嘛。」
灰心指數下降
她又表示嘉穎常會給她演技上的意見,例如聲線或動作應該怎做。對於有傳嘉穎自年前已開始幫她選劇本,Grace澄清沒有,會尊重公司給的劇本,但有些場口不識處理時男朋友會畀意見。試過有次想掉個劇本叫他幫忙看,因為當時好灰心,好多人批評。
Grace又表示慶幸自己堅持:「今次拍呢個劇口碑幾好,終於有番啲好嘅回響。(網民讚你?)叫做有進步,呢套劇未播前真係有驚,覺得要打定個底,今次又會點樣畀人話,雖然唔可以話信心番晒嚟,但畀以前好,灰心指數低咗。」Grace希望觀眾可以接受她演不同角色,今次角色很多人表示似她本人,但作為演員,很想做些令人覺得不似本人但做得好的角色。 |