藝人陳敏之昨日抱恙出席慈善活動,身穿羽絨外套的她透露,因近日天氣忽冷忽熱導致氣管不適,因病關係要與心愛的囝囝雷冬至隔離,令她十分痛心:「唔可以錫佢,又唔可以攬佢抱佢,仲要戴口罩,驚傳染畀佢。」
敏之表示下星期會夥同田蕊妮、吳業坤等赴加拿大登台和宣傳,希望氣管盡快痊癒,以免影響歌喉,問到登台要不要練定歌?她說:「我主持《流行經典50年》都會經常唱歌,係個好訓練,都儲埋幾多歌。」剛拍攝完劇的她表示,為照顧囝囝犧牲拍劇,每年只能拍一至兩部,她說:「依家曲奇餅生意上咗軌道,現階段做主持賺外快,多放時間喺家庭上,阿仔兩歲好好玩,唔想錯過佢童年,屋企都穩定,如果我有經濟問題,就要拋個身出嚟啫。」她指囝囝已經成功考入學前班,8月開學,她指自己不是怪獸家長:「依家小朋友學嘅嘢好深,我會搵專業人士去教,但我會陪喺佢身邊。」 <採訪、攝影>陸曼美