【本报记者报道】本月将再为人父的「暖男爸爸」黎诺懿,近日积极为迎接家庭新成员作准备,除了忙着为即将出世的BB添置用品外,又忙着照顾太太李洁莹(Nicole)及向4岁儿子「小春鸡」黎峰睿灌输做哥哥的讯息。日前,黎诺懿就跟「小春鸡」为腹大便便的李洁莹准备入医院时的「走佬袋」,包括婴儿防敏湿纸巾、婴儿润肤露、包巾、婴儿洁肤浴露、授乳茶、保暖杯、天然活泉水等等,尽显暖男丈夫的体贴。
黎诺懿与太太Nicole自「小春鸡」出世后,一直共识要再度造人,虽然黎诺懿一直希望第二胎生女,可以凑成「好」字,但第二胎仍是生仔,如今凑成「孖」字也不错,他说:「即将再做爸爸,心情係开心嘅,因为无论工作几攰都好,只要返屋企见到佢哋就会咩都忘记晒,咩都值得。」
两个够数 拒绝追女
不过,黎诺懿斩钉截铁表示「两个够晒数」,他谓:「我同太太认为两个小朋友就够,再多个小朋友,会分唔到身,最紧要佢哋两个小朋友相亲相爱,我凑峰峰(小春鸡)时,太太凑细佬,咁样时间会分配得好啲,虽然今次唔係生女,但都唔会再追,而家已经好完美。」
回顾之前跟太太入产房生「小春鸡」时,黎诺懿自嘲当时是新手爸爸,表现十分狼狈,他说:「上次始终第一次做爸爸,好多嘢准备得唔够好,例如润肤露、没刺激性嘅沐浴露及湿纸巾,都无准备,搞到峰峰(小春鸡)有少少皮肤敏感,亦有少少烂Pat Pat,而且峰峰嗰时亦有少少尿道炎,我都唔识得处理,相信今次我会识得处理,所以今次没咁大压力同咁紧张,好期待小生命嘅出现。」
黎诺懿续说,上次陪太太入院生「小春鸡」,一点也没有享受过过程,印象只记得忙到一头烟,他笑言今次会好好享受,他说:「好多人问我今次会唔会剪脐带,我嘅答案係『唔会』,我虽然钟意煮嘢食,但係我都好怕见血淋淋嘅嘢。」 |
您可能有兴趣:
|