【本报记者报道】歌手江海迦（AGA）日前于东莞银行蓝球中心举行《AGA ONEDERFUL LIVE》的第二站巡迴演唱会，全场爆满。AGA今次更邀请了薛凯琪（Fiona）任表演嘉宾，她指Fiona在其创作生涯中非常重要。

AGA出道前还是一位作曲人，创作3年都未获任何歌手赏识，直到Fiona听到《Better Me》demo，便向公司表示一定要录这首歌，结果令AGA成功卖出第一首作品，这首歌亦是她人生中第一首创作的歌曲，所以AGA至今仍然很感激Fiona的赏识。

AGA说：「《Better Me》係我人生中嘅第一首歌，点解会写？因为失恋啰，第一次失去一段感情嘅时候，我觉得好可惜，就喺度谂究竟自己做错啲咩呢？每次唱呢首歌，我都会激发自己，勿忘初心，be a better me。我做作曲人嘅时期，3年来都无人欣赏我啲歌，即到有一日，零晨3点有人message我，话呢首歌嘅讯息同故事令佢好感动，跟住呢首歌仲好受欢迎，令我觉得原来我都得㗎喎，我都可以写到歌，非常之多谢你，唱我呢首歌。」

AGA爆失恋写《Better Me》

Fiona亦觉这首歌疗癒了自己，她对AGA说：「你唔单止係写到歌，你仲唱到歌，又跳到舞。你原来係因为失恋写呢首歌，虽然你係爱情上嘅失恋，但我係成个人生都失恋嘅时候，人生呀，个脑呀，好多方面都……就係因为呢首歌嘅demo鼓励咗我。所以我就同公司讲我一定要唱呢首歌，其实我当时只碟係已经够晒歌，但我都一定要唱。你以为你做一首歌疗癒自己嘅心灵，其实你都疗癒咗我，同埋帮助咗好多人疗癒佢哋嘅心情。我真係好想同你讲，我好多谢你。希望你嚟紧可以再作多啲歌，俾多啲正能量我哋。」

两人更首次同台合唱《Better me》，AGA更一度感触得眼泛泪光。AGA表示今次演唱会见到很多熟识的面孔，有很多香港朋友及fans都组团来支持，而且成都、东莞、佛山、广州等地的fans都有跟着AGA一起走巡迴，令她相当开心。

日前AGA綵排时，不小心弄伤了右脚，膝头位置筋腱发炎，非常疼痛。她原本想忍痛完成所有舞步部分，但由于舞台设计呈斜倾角度，加上开场时solo部份有些坐在地上的舞步，会对膝头盖做成压力，故此排舞师特意改动舞步，AGA能顺利完成演出。

AGA唱出《一》、《圆》、《Wonderful U》等首本名曲时，台下观众全场大合唱，场面感人。最后AGA与全场观众及工作人员拍摄大合照，演唱会圆满结束。