一连两场《薛家燕爱你无限60年演唱会》前晚在红馆举行尾场，不少圈中好友如徐小凤、刘松仁、邵音音、潘迪华、陈敏之、乐易玲等来捧场。嘉宾还有张智霖（Chilam）、谭咏麟（校长）及草蜢。

曾于剧中与家燕姐饰演母子的Chilam，以初哥哥造型吹住哨子出场合唱《分分钟需要你》，家燕姐大爆Chilam阔佬：「有次去大马登台，佢请我食一条六千几蚊嘅鱼，叫『忘不了』。」Chilam以行动代表说话，即场与家燕姐来个深情拥抱。其后家燕姐以劲歌热舞向已故好友张国荣、陈百强及罗文致敬，又感激徐小凤姐给予不少红馆开骚心得。

草蜢跳十字舞

家燕姐又完成心愿与谭咏麟合唱《爱人女神》，校长笑笑口说：「家燕姐出道耐过我，已经一个甲子，我由60年代黑白电视已经追睇你嘅作品，我係你嘅粉丝。」跟住校长突然在裤袋拿出粒癦黐在额头说：「呢粒癦如有神助，并唔係等闲之辈，今时今日仲可以有laser放射出嚟，我粒癦就黐上去，你粒癦应该有根。」演唱会尾声，草蜢及家燕姐合唱《忘情森巴舞》，最后教全场观众跳十字舞。

男友睇足两场

庆功宴上，家燕姐心情仍然兴奋：「呢个演唱会令我毕生难忘，睇到三个子女上台唱歌，真係忍唔住喊。」他又自爆男友连续两晚都有捧场，但没入后台，家燕姐说：「仲未有时间介绍畀七公主认识，或者迟啲安排食饭。」再问确实日子，她说：「唔好咁快，2020年先，我仲以为你哋讲结婚。等我搞埋选婿大会，搞掂珊珊先。」再追问结婚一事，家燕姐说：「坦白讲都唔会结婚喇！我咁嘅年纪仲结乜嘢婚呀？做吓朋友都开心。」至于与男友是否纯纯的爱，家燕姐点头答：「係！」完成个唱后，家燕姐表示会与男友和仔女去日本旅行。