艺人周秀娜昨日到尖沙咀出席护肤品牌活动,早前与两名女性朋友去南美旅行三星期的她透露,其间在玻利维亚因水土不服要向男fans求救,对着美景天空之镜都忙于去洗手间,她大呻去了一个又长又辛苦的假期:「去咗三个星期,自己有水土不服,又唔见咗行李,好似乞儿,着住同一套衫,好彩同两个女朋友去,开头嗰几日都係问佢哋借啲日用品,除咗最贴身嘅嘢喺当地街市买。」
被荷兰男搭讪
她又说:「到了玻利维亚又遇上水土不服肚疴,嗰度每去一个洗手间都要畀钱,我哋咁啱三个身上都无现金,好彩遇到一个香港人,佢係我fans,我疴唔疴到都靠佢。(女神形象破灭?)我嘅人生大事呀,唔理得咁多啦,自己都差啲虚脱,嗰度又晒又大,不过都係一个好好嘅体验。」而她食饭期间曾遇上两个荷兰男士搭讪,但因网络讯号差,事后没有交换电话,但对方都有去天空之镜旅游。她又表示返香港之后即刻復工,还要拍谈情戏,但自己魂魄都未齐。