2020年 07月 13日
星期一
   | 氣 溫 : 32 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

鑽得勁有料到
發佈日期 : 2019-09-08


今日我想同大家分享一個心理測驗,首先假設各位呢一刻身處於森林,然後遇到突發事件,需要將五隻動物去逐一咁放低,用先後次序將老虎、大笨象、馬騮、狗同貓頭鷹排列,留意最先放低嘅就將佢排係第一,然後順序去排好,到最後我就會將個答案話俾大家知。


好啦,講返我今日嘅心水,第五場四班1200米田草,我就鍾意匹「君悅灣」,至於點解?
原因係睇返佢呢幾次嘅賽事,即使抽唔到靚檔,但都發揮到高水凖,仲贏埋賽事,證明佢嘅實力同狀態係維持得到,再者,係抽到靚檔嘅情況下,騎師都喺照用返陳嘉熙策騎,相信練馬師對佢嘅信心都唔小,我認為今場佢嘅對手喺匹「如真如假」,睇返上季,佢喺沙田直路1000米嗰場跑過第二,只係輸俾大超班馬「經典之星」,但拋離第二名「極速前進」,其後兩匹對手雙雙勝出,而佢自己再出係快活谷增程只係輸比四班實力指標「無價寶」,證明馬匹賽績水準高,雖然今次第一次跑泥地,但睇佢泥地試閘走勢唔錯,如果今次適應到泥地賽道,同場又無乜超班對手,絕對有機會同「君悅灣」1Q返嚟。


再去到第八場二班1200米泥地,收到消息「鑽得勁」馬主對今場嘅賽事好有期望,騎師有減磅,體能又好,試閘時都發揮得幾好,連練馬師都表示今次對佢嘅機會持樂觀態度,況且仲抽埋個一檔,所以今場大家都可以多加留意一下,小妹亦決定投注多少以示支持。


講返心理測驗,其實每一隻動物,都代表一樣嘢,老虎代表權威,大笨象代表屋企人,馬騮代表愛人,狗就代表朋友,最後貓頭鷹代表智慧,各位排完之後,又覺得準唔準呢?

您可能有興趣:


首頁