2019年 09月 16日
星期一
   | 氣 溫 : 32 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

霍利時靠雷超開齋
發佈日期 : 2019-09-11

「好友無敵」上季尾曾在同程入Q,而且早前試閘亦見

【風花雪月/子樂】第二場第五班1000米,「雷超」上季頭一鋪喺此程跑P,輸唔到三個馬位,嗰場係四班賽,對手係「最驫」同埋「威先生」,一年之後,今晚喺五班跑,對手唔同晒,仲要抽到一檔之餘,有雷神之助,條件四正,霍老爺好大機會靠呢匹馬開齋。
「百里名駒」開鑼日跑場沙田1200米,唔算放得快,拉士唔係多,不過初出可能未夠態,熱完一場身,呢次即刻過嚟谷草最短途,睇落有啲部署。「哈蝦王旺」上季一而再喺此程輸近,落到五班可以打橫行。「印印腳」快馬排內檔,點都好跑啲。
第六場第四班1200米,「好友無敵」上季賽績一路都幾差,係到季尾最後一場四班同程,後上跑到第二,唔通狀態喺嗰時先好,呢點樂仔唔多了解,不過,隔唔係好耐復出,估計唔難喼住勇態,同埋,今場有內檔之利,個磅又輕,三甲分子。
「猴王駒」後上跑法,喺今場會有形勢之助,可爭前列。「紅褲日」評分減咗幾多,隨時可以郁手。「龍城勝將」隔晚超過10倍,賠率比起預期冷得多,睇落唔係幾似樣,但係隻馬喺四班點都有啲分量,為求保險,點都要拖一注。

您可能有興趣:


首頁