莫雷拉今季已先後替多匹處女馬贏馬交代，因此試閘出

[甘屋藏料/甘甘仔]周三夜馬賽事，出現冷門情況，從第一到第七場，在組合獨贏都開咗A2A3，只係最尾的場次先正正常常開返咗口潘頓大熱門勝出。郭能終於開齋，還跑出一口孖寶派3,788元，如買中的話肥過肥仔了。其實開季到目前跑了104場，莫雷拉和潘頓兩人已佔頭馬中的42，勝出率4成多，但細心發現，佢哋同場一齊出現嘅比率反而唔高，所以有時細心睇睇，以其中一個再配冷腳作過關投注，會有意想不到的驚喜。
沙田賽事由今次開始直到年底，都會提早45分鐘開始賽事，即是由12：15分開始，敬請留意。今次賽事心水第二場「宜春之星」今季
初次上陣，轉馬房後見到馬匹腳法更加成熟，睇返近兩次試閘絕無可挑剔，只要正常發揮，依隻係今場穩膽。配腳方面會拖「合衷共
濟」贏完兩個馬位返嚟加7分，就算負個重磅，都仲有兩個馬位優勢絕對仲有分喺手。「荷花福星」出賽三次都預上超級馬匹未能交代，如今強手已去，有望挑戰冠軍。「英明勇將」晨課所見毛色開始靚返，換人上陣應有新表現。