【風花雪月/子樂】第九場第三班草地2000米,「悅裕」上季轉到告東尼馬房,跑咗一季有多,拎咗三場頭馬,一場四班田草1400米,另外2W都係三班田草中長途,從賽績顯示,此馬三班不會留得住。今次再跑田草長途,開正佢嗰瓣,仍由田泰安掛帥人馬合拍,膽材。 「蒙古王」二班降至三班,對手唔同晒,可以加入戰團。「龍鼓飛揚」上一場表現平平,當係一場熱身賽啦,呢次轉爭長途,擺明係目標所在,防施冷箭。「超班福星」又係另一長途好手,昨日票數走勢又勁,今場可見真章。 第十場第三班草地1400米,「凱旋駿驥」上季跑五場,冇一場入到前三名,但係今季唔同,頭一場經已殺入前列,喺三班此程跑獲季軍,輸給頭二名唔夠一個身位,睇嚟今季進步唔細,今日原班人馬再戰相同路程,對手同上場差唔多,可爭冠軍。 「超新星」昨日唔應該有超過3倍位置,票數係有啲奇怪,拖吓算嘞。「魅影揚飛」啱啱喺此程後上入Q,末段走勢好犀利,正路之選。「紀利雄星」剛在此程贏馬,但點會估到昨日獨贏接近30倍,完全無人問津,好似大家都預知呢隻馬一定冇機會再捷。 |
您可能有興趣:
|