[任勝之言/黑豹]第六場「精彩輝煌」經過季初精心安排下減分終如願以償可落三班出賽，早兩場賽事前已見狀態開始冒昇，果然該場差點以過大冷身份入圍，賽後馬房並不急於出擊，一心搏減多兩分等落三班，於是報跑不合途程的直路賽事，賽後求仁得仁減分，但該場末段其實不差，可當一課草閘計算，今次三班出賽即強配潘頓及安排盃賽上陣，此地無銀心態盡現，加上黃金檔位，坐位望嬴。

「永同歡欣」本身一早已準出擊，但上賽因事退出，但賽後整個操練準備正常，應該問題不大，計實力仍有在手，前駒大敵。「育馬妙星」長期有分在手，大樹遮掩下賠率不俗，必須兼顧。「索先生」上場完成任務，重回三班但磅輕，後上仍有跑三四名機會。「南莊加好」今季兩勝但對手平平，加埋騎師能力有限，勉強拖腳。