2020年 07月 13日
星期一
   | 氣 溫 : 32 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

紅麗舍 近況可靠
發佈日期 : 2019-11-26

「紅麗舍」剛賽谷草一哩走勢比預期出色,證明近況不

【洪禮賢講馬】明晚快活谷九場A欄賽事,全是三班或以下的場合,路程以短途1000米和1200米為骨幹,共有六場,另外三場係1800米及2200米;三T及六環彩均有百萬累積。
今期谷草賽事場與下一次沙田賽期,都有五至六位騎師未能參與,一下子少了幾位騎得之人在陣,如果話冇影響,點可能有人信,但到底會係歸邊,抑或賽果出人意表呢?等著瞧。
第七場第四班1200米,「問鼎高峰」上一場係不良於行復出首回合,我明白可能要就住跑,但如果好擔心出事,不如乾脆排免戰牌繼續休賽,又要跑又要怕,其實相當無謂,總括上一場策騎意識只得「嘥氣」兩字!好了,今次落班回到正宗路程,重配熟手拍檔郭能,並有內檔之利,所有條件完全不同,係時候做回自己。
第八場第三班1800米,「紅麗舍」兩戰不入名,但其中一次係中途二疊望空兼快步速,另一場係直路大塞車,所以,谷草此程是否考起牠?個人認為未有最後答案。
「紅麗舍」剛賽谷草走勢比預期出色,純計尾兩段時間,猶勝該場亞季軍「陽明高高」及「路路通」,證明近況不差。是次強配神蘇且加程,部署似層層,有賠率抵博。

您可能有興趣:


首頁