「連利福將」養精蓄銳了三個月才再次出賽，今次可望

[甘屋藏料/甘甘仔]上星期六賽日完成後，突然有急事出了個Business Trip，所以剛過去的星期三賽事未能全心投入參與，只是買了報紙例飛心水而已。喺依轉旅程中，最主要係過去參觀一下賭場設施，而家新開的賭場五光十色，金碧輝煌，一家大細去一個渡假村都可以玩足一星期，完全毫無違和感，再者，這個地方投資移民都係有限數，加上最近身邊老友都大規模安排移民，但係各處鄉村各處例，撇除金錢這個因素，要重新適應一個地方，甘甘仔我仲未有呢個決心。

第七場「連利福將」今季開鑼日出賽熱身後一直都操練，中間試咗幾課閘，睇返最近一次閘拍實鬥放返來都唔斷，有前有後，觀感極佳，養精蓄銳才出賽，今次可望捧盃。「大紅包」近兩仗都表現突出，當起馬匹三甲無問題。「極速前進」上仗走勢亮眼，跑1000米都可以從後追上，實力不可睇小，今仗只要正常發揮即可連捷。「大俠士」新馬初出，睇試閘前速極佳，鞍上人都似乎拿回手感，拖多一票無壞。