2019年 12月 07日
星期六
   | 氣 溫 : 19 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

遨遊千里成熟進步
發佈日期 : 2019-12-01


[桐言桐語/B女]喺咁凍嘅天氣下,最適合就係打邊爐,所以,今個星期,我就連續打咗三日邊爐,最近嗰次都有十二個人岀席,不過就有少少特別,平時嘅係一個大火鍋,然後成班人一齊食,今次係一人一個細火鍋,各自選擇唔同湯底,然後各自享用,我以為日式火鍋先係咁樣,原來中式火鍋都已經有,不過,十二個人十二個火鍋其實都幾熱,雖然天氣凍選擇打邊爐確實溫暖,但十二個火鍋好似太過溫暖。


睇返今日田草十場賽事,先睇第三場四班1200米,我就揀咗匹「遨遊千里」做心水,呢匹馬跑過三次,三次都係跑呢個路程,睇返佢上仗雖然跑得比較差,但都睇得出狀態喺度,再睇佢跑071嗰次其實都跑到第二,證明呢匹馬本身水準唔差,新馬黎講跑過三次,亦都逐漸成熟,所以對佢都有信心,今次檔位亦都比上一次好,希望鞍上人今次可以同呢匹馬打開勝利之門。


到第十場三班1400米,我就鍾意匹「大眾歡呼」,呢匹馬今季跑過兩次,兩次都唔太差,今次再岀贏面機會亦高,因為睇返佢上一仗,佢再一次跑得接近,做咗兩次熱身嘅佢相信今仗再岀唔會有問題,而且抽埋靚檔三檔,只要末段發揮得好啲,就可以同佢贏馬。

您可能有興趣:


首頁