2024年 03月 29日
星期五
   | 氣 溫 : 28 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

葵涌老友 人馬合拍
發佈日期 : 2019-12-04

「葵涌老友」(外)今次用上人馬合拍的潘頓,相信有

【大鐵論馬/大鐵】今晚除了國際騎師錦標賽之外,還有兩場五班賽上演比較少見,第二場1650米賽事應該屬於一場比較高水準的五班賽,除了多匹近況上名馬參戰之外,還有幾匹田轉谷的好手在,令到形勢偏向混亂範圍廣闊,而且今場預計冇馬搶放,步速形勢亦都難以估計,相信到時或者會有不少騎師選擇變奏,令到賽事預測變得更加不明朗。既然這樣唯有向配搭落手,五班老手「葵涌老友」近兩季都能交出頭馬,不約而同都是由潘頓策騎,而且都是在上半季交出,今次潘頓再上馬絕對需要留神,馬兒上場跑同程初見腳影,可惜直路上搵位論盡之下大部分時間未能望空衝刺,最後僅僅跑第五,復課操練緊迫馬房有耐性地等返同程再跑必定一搏,馬匹上季贏馬時能夠交出23秒以下末段時間五班少見,忍忍埋埋爆一鋪慢步速可能更加適合。


配腳方面, 「神速寶」五班夠惡,上場在沙田出賽對手偏強之下跑過第四不算失禮,今次跑返上季五班贏馬路程而且搵嚟澳洲好手麥道朗客串,預計今場應該在最後鬥爆一段未必輸蝕。「利之喜」初次跑谷草暫時性能未明,不過馬匹本身有沙田級數今場有個內檔未必輸蝕,預計跑法相對地會比較主動可以賺取步速形勢,雷神上馬不容忽視。「小島怡情」評分已經減得甚多,今季跑兩場都有啲混吉情況,尤其是上場選擇跟前三叠望空,今場用到冷門殺手利敬國可能先見真章,小心偷襲。

您可能有興趣:


首頁