2017年 03月 26日
星期日
   | 氣 溫 : 16 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報電子雜誌

勁趣強項砌盡
發佈日期 : 2017-01-11

「勁趣」(近鏡)排檔好穩位望贏。

【棟悉先機/陳華棟】今晚八場谷草賽事,唔係咁易刨,因為隔晚好多熱門啲飛唔多夠熱,又有好多冷馬忽然有飛,令原本已難搞嘅局面更難搞。


呢啲時候,我哋寧願玩吓算嘞,唔好太投入,因為明知難應付,冇理由都撞埋去,忍一時風平浪靜,大家想想吧。


第三場四班1200米,「八心之煌」今季成績算係可以,最近四場都入到前五名,尤其係上一場,跑入第二,輸畀超班馬冇得好講,同時反映阿Chris搞得掂呢匹前摩廐馬,所以好開再跑同一路程,可以信任。


此駒上次排一檔,今次亦都係,由韋紀力換上莫艾誠,都係合適騎師,唔會交唔到貨,何況,呢匹馬一日未贏,阿Chris唔會心息,一定想盡辦法交代,實會搏到盡,作為馬膽最啱。


第五場三班1650米,「財寶家駒」上次係上到三班跑第一場,跑得幾好,後上得第四,輸唔到三個馬位,初遇三班對手,冇話輸到離行離列,證明隻馬夠班,跑完一場,有了經驗,今次應該會唔同。


財寶家駒轉場博冷


「財寶家駒」未跑過谷草,唔知得唔得,但係阿石有咁樣安排,事前一定諗好晒,事實上,谷草對手冇田草咁難對付,走嚟谷草試吓無妨,再者,獨贏有10倍以上,實在太吸引,玩吓WP,無傷大雅。


第七場二班1650米,「勁趣」今季四場比賽,只得一場田草跑得唔好,其餘三場跑谷草都入到前四名,當中一場係一哩路程,輸半個馬位畀「川河寶駒」,係實力的表現。


既然今季呢匹馬在此程跑得最好,今次唔再等長途,回師此程都係合理安排,霍老爺呢排個勢幾好,佢啲馬一有狀態,唔會收埋,再用阿田,人馬又夾,有力問鼎冠軍。

您可能有興趣:






首頁