2024年 03月 29日
星期五
   | 氣 溫 : 25 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

好性格輕磅博走甩
發佈日期 : 2017-05-30


【風花雪月/子樂】跑到季尾,人疲馬乏,好多場合唔一定優勝劣敗,唔使講咩啦!就睇啱啱嗰場沙田銀瓶,國際三級賽喎,跑第一居然係「永旺年年」,呢匹馬係嗰場賠率最冷,而跑第二、三名係「翩翩」和「澳斯卡」,都唔見得係現役好勁嘅短途馬。所以季尾啲盃賽,或者高班賽,有時刨馬唔一定以實力行先,反而有實力又有近績,嗰啲先至要驚。



第一場四班1800米,「大步走」連續兩場用黎海榮,都係跑同一路程泥地一哩,前一場得第五,上場跑第三,走勢有板有眼,證明本身泥地性能幾好,今場用得雷神,擺明想交代。「榮冠大道」今季除了第一次出賽,其餘咁多場都係用華將,明晚忽然用史卓豐,唔似想等降班。


第二場五班1800米,「好性格」跑法好單調,放頭跑最好,泥地亦會好過草地,今場搵火車潘減10磅,估計會放頭走,恃住109輕磅隨時放到。


友歡笑施冷箭


「友歡笑」上季五班泥地可以攞2W,目前分數比嗰兩場還要低,唔會冇power,何況黎海榮係都唔放手,唔會死錯人嘅,呢匹冷馬千祈唔好忽視,值得以小博大。



 

您可能有興趣:


首頁