「慣勝聆聽」（左）潘頓揀騎穩位望贏。

【一目了然／柏翹】明晚谷戰並冇初出新馬登場，一眾舊馬之中，第六場賀廐「慣勝聆聽」今戰忽然安排增程角逐三班1650米，看來絕非貿貿然決定。

「慣勝聆聽」父系Star Witness（「重要證人」），暫時其一最優秀子嗣為在澳洲曾勝2歲表列賽的「勁有波幅」，而本身步入今季性能逐步轉型，3月下旬贏谷草一哩，前仗更於谷草1800米段段快開入Q，明顯同父馬隨齒齡增長，氣量養成後，具逐漸扳上中距離路程發展條件。

轉倉初出即跑近

事實上，「慣勝聆聽」源自有多少長力支持的母系Luvumor，跟一代種王Zabeel（「沙彪」）等一級賽盟主同家族，早有跡象成熟後長力足可扳至一哩。剛戰「慣勝聆聽」轉投賀廐初出角逐1200米，直路經已交出上佳追勁，今次安排增程而來，機會絕對不容忽視。