2020年 07月 16日
星期四
   | 氣 溫 : 30 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

紅旗星將退熱起筷
發佈日期 : 2017-06-28

「紅旗星將」質素不俗且谷草試準。

【棟悉先機/陳華棟】埋今晚八場快活谷C+3跑道賽事,本季谷戰只剩低一次,有啲馬想標尾會的話,真係手快有,手慢冇。


睇咗隔晚賠率,發覺火車潘同埋雷神啲馬唔算熱,係咪好事呢?我覺得未必,反而要小心,唔好因為佢兩個當旺,就隨隨便便買佢哋啲馬。


第四場第四班1200米。「紅旗星將」生得大大隻,馬有台型,走勢亦熟,頭幾鋪田草已跑得唔錯,初步推測質素甚高,四班應該留唔住,至少有20分在手。


上場「紅旗星將」初跑谷草,捧到3.4倍好有信心,但可能差啲場地經驗,只係得梗頸四,戰果係失望,不過拉士追勢幾好,證明窄場啱腳法,今次再接再厲,相信保羅唔會老點,此外,今次賠率由熱變冷,點會冇胃口,一於敲冷。


八心之友意猶未盡


第五場第三班1200米。「八心之友」今季贏過兩場,都係四班賽,一場泥地一場谷草,季中泥地贏「智愛」,唔係咩特別賽績,但上場贏同程就唔同,除咗第一次跑呢個路程,仲要大勝接近四個馬位,贏來大把在手,姿態好吸引。


「八心之友」今場升上三班跑,賽前工夫好勤力,又快跳又試閘,擺到明係操勇再搏,冇話因為新升班而鬆懈,鬥志可取,加埋對手唔多,添食在望。


第六場第三班1650米。「翡翠福星」剛剛贏同程,時間快到不得了,跑到季尾仲係咁勁,狀態勇得交關,肥文練馬功力一流。


雖然「翡翠福星」今場條件同上場唔一樣,冇咗潘頓,磅位重咗,但對手咪又係差唔多同一批,而且有埋黃金一檔起步,只要隻馬喼到,可以贏完再贏。

您可能有興趣:


首頁