2020年 07月 16日
星期四
   | 氣 溫 : 32 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

蓮花巨星偷天換日
發佈日期 : 2017-07-12

「蓮花巨星」(黃袖)突由郭能披甲,來意不善。

【棟悉先機/陳華棟】今晚係今季快活谷最後一戰,大家有冇計先?諗好策略未?至於會捧邊路人馬,大家自然有不同睇法,各人有各人的心水,但係目標一樣,就係想贏錢。


不過,大家千祈唔好太「勇猛」,賭錢要賭得精明,亦要賭得自律。


第一場第四班1000米。「創意寶」今季八次上陣得1P,成績唔多好,6歲中年馬冇理由退化得咁快咁多,只係能力唔係咁強,所以成績唔多好。


創意寶可爭前列


「創意寶」今次跑番1000米,而唔係1200米,路程最正,此外,「創意寶」唔似得前仗咁,抽到十一檔,呢次排三檔,預咗佢早段守到靚位,如果一切正常,形勢一如所料,可爭前列。


金叻星擺明車馬


第二場第五班1650米。「金叻星」今季喺四班賽冇咩成績,8歲馬戰鬥力大不如前嗎?阿棟唔排除呢個可能,但亦有可能係專登咁做,跑低一個班次,方便搵食。


「金叻星」上季四班攞2W,邊可能係一般五班馬可比,呢次仲用到柏寶,堅係擺明車馬。


第七場第三班1800米。「蓮花巨星」近期專攻沙田賽事,雖然暫時唔再跑窄場,成績算係唔曳,多次跑入前幾名,今晚移師谷戰再上征途,部署上突然改變,為咩呢?可能係博冷囉。


「蓮花巨星」近仗都係熱門身份,呢次由雷神換上郭能,即刻冷番晒,隔晚15倍有多,本身三班長途有實力,谷草又唔係唔得,無啦啦變冷門,點解唔博喎,分分鐘翻生都靠呢鋪。

您可能有興趣:


首頁