【資料尋寶】剛季共有七十八駒負133重磅贏馬,其實要做到負頂磅上陣取勝,需要多方面配合,首先,馬匹要評分全場最高,而且亦要有低分馬同場拉開磅位,而練者亦要不安排有磅減的騎師出策,再加埋鞍上人交到貨替馬匹掄元,上述因素缺一不可。
剛季埋單計數,勝出最多133磅戰駒的練馬師係蔡約翰,勝出率逾兩成,上名率五成六,可見蔡廐喜歡部署馬匹負頂磅出擊,相信與重用雷神而不太喜歡用華將有一定關係。
其次要數到沈集成,剛季麾下133磅賽駒,合共取得9冠4亞5季,勝出率逾兩成半,上名率逾半,當中五駒用王牌報名,可見此類分子,沈廐喜歡以王牌確保可以正選上陣。
而沈廐133磅頭馬之中,有3W係來自落班即郁之馬,包括「阿甘」、「卡加動力」以及「領航大師」,而且全部由外籍大師傅操刀。 |