2018年 10月 20日
星期六
   | 氣 溫 : 24 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

京京千里狀態大勇
發佈日期 : 2018-09-22


【甘屋藏料/甘甘仔】科技日益發達,人類對未知領域的探求慾也無止境的上升,以甘甘仔個人而言,與其在浩瀚星河進行研究探索,倒不如集中研究一下地心或海洋吧,最基本,探索海洋或地底的難度相比起宇宙理論來得容易得多。
上星期打風取消賽事,加上剛周三輪空,變相成個星期無馬跑,剛周四見到個排位都有點興奮,即時刨馬做準備。馬季經過四次賽事,仲有五個馬房未開齋,當中包括蔡約翰及大摩兩大倉口。蔡廐慣性季初歎慢板,完全係你急佢唔急嘅情況;大摩都係差唔多環境,暫時取得1亞1季,似乎未到全面搏殺階段,不過總唔可以太遲開齋,摩廐今次賽事安排多駒上陣,而且包括兩匹季內曾上名的「海明珠」及「綠勇士」齊齊再上戰陣,相信大摩亦渴望盡快打開勝門。
第八場「京京千里」潘頓試過多課操好而出,久休後狀態大勇,回復勝時水準,晨課觀感極佳。「自由旺」上季中開始一直保持良好狀態,馬匹鬥心比以往更鮮明,今仗潘明輝首次替此駒執韁,期待能擦出新火花。「鑽飾飛龍」人馬合拍,試閘表現出不俗走勢。馬匹已很久未挑戰過直路賽事,現時評分已達有利階段,可拖一票。「小鳥敖翔」首次縮程挑戰直路賽,升班後評分還有一定優勢,質新馬亦有一定上升空間,晨課狀態保持勝時水準,可惜今仗對手太多,只作次選。

您可能有興趣:


首頁