2018年 12月 15日
星期六
   | 氣 溫 : 19 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

勝利寶石丁仔省招牌
發佈日期 : 2018-09-24

「勝利寶石」轉投丁廐後兩出兩捷。

【掌握大局/蔣偉權】近年每位新練馬師,在開倉首季多有驚人表現,上季羅富全開倉取得65W,其實已經好厲害,只係遇上更強的師父蔡約翰,才會屈居亞軍位置。
今季丁冠豪開倉立萬,現時已經累積5W,頭馬數字與告東尼及苗禮德等大師級看齊,後兩者均曾經訓練馬王,前者有「精英大師」成為世界經典,後者的「雄心威龍」亦曾經威盡一時,丁仔現時開季開得好,爭頭馬係重中之重,下一步,先至係如何尋找出得起錢的馬主,然後才物色馬王級的良駒,提升自己成為G1練馬師。
記得當年呂健威憑「幸運如意」首度勝出國際一級賽,但其後該駒可一不可再,呂廐因而未能再添G1頭馬,不過只要贏過一場G1,孭起G1練馬師呢個稱號,其實已經算係踏上練馬師生涯的一個新階段。
雖然丁仔目前只係低班練馬師,有待「升呢」,但剛周日憑「勝利寶石」取得連捷,其實係一場省靚招牌之作,事關該駒今季剛轉8歲,首六個馬季取得6W,其中四場頭馬來自三班賽,但畢竟老馬實力難免退化,上季十八戰只獲三仗上名,卻未能替告廐取得寶貴1W,今季此駒由丁冠豪接手,竟然兩戰全勝未逢敵手,而且今仗更殺低大熱門「京京千里」,「勝利寶石」成為八捷良駒,已經係丁仔練馬實力的最佳證明。

您可能有興趣:


首頁