2018年 12月 15日
星期六
   | 氣 溫 : 19 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

潘頓印象扣分
發佈日期 : 2018-09-24


【風花雪月/子樂】啱啱沙田草泥地混合賽,潘頓搞到大家一鑊泡,全日一場頭馬都贏唔到,搏來搏去得個桔,熱又輸,冷冷地又輸,有啲仲要跑到位置不保,可用災難嚟形容佢呢日表現。
莫雷拉今季走人,大家對潘頓相當關注,係咪可以獨大,必然係我哋最關心嘅問題,而另一更關心嘅,就係佢熱門馬交唔交得準,雷神唔喺度,潘頓啲馬一定火上加油,明明3倍賣到2倍,10倍以上嘅都會無啦啦熱起上嚟,因此,佢啲熱門成績係點,絕對係馬迷切身問題。
弊在呢輪佢贏馬唔多,五次賽事贏得5W,平均一日一場,作為冠軍級,但只得咁嘅成績,馬迷心情點會舒服,如果嚟緊兩三次賽事,依然冇咩起色,印象扣晒分,失晒民心。
不過話分兩頭,有啲馬睇到潘頓係用心去跑,剛周日「美麗日子」、「同歡樂」、「京京千里」呢幾隻馬,堅係陣上落足心機,可惜時不我予,一係畀人追到,一係追唔到人,唯有嘆句冇運,至於佢幾時可以轉運,天知地知,但你唔知,我都唔知囉。

您可能有興趣:


首頁