2018年 12月 16日
星期日
   | 氣 溫 : 19 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

好力煌坐位望贏
發佈日期 : 2018-12-05

「好力煌」強配巴度必有圖謀。

【神祺小子/祺神】一年一度國際騎師錦標賽又嚟啦,仲記得爛玩的筆者每年必定投注吓騎師王考吓眼光,相信呢個彩池今次投注額會比平時高,但其實國際騎師錦標賽的騎師王仲難玩過平時,因為得四關,頭兩關冇分基本上已經可以搣飛,又會好容易出現同分賽果同人分一半。上一年潘頓爆冷成功,筆者的蘇兆輝騎師王最後一場畀潘頓反Cup,慘過跑第四!今年筆者決定忍手唔參與騎師王,因為自己本身未中過呢個彩池,同埋始終覺得唔太抵玩,都係專注自己有信心的彩池較好。
今期推介第三場四班1200米,「好力煌」今季跑咗三場沙田1400米,三場都係韋達,總場次095,直路畀「珍珠鳳凰」擋住冇跑過,後駒再出蝕形勢入Q,之後149場次,臨場落飛,加配備走去放頭輸四個馬位,呢場可以抹咗去,因為下場即刻除咗個面箍。到上一仗總場次204,臨場又有人大注咁賭,場地受天雨影響大利放頭,當日「好力煌」沿途三叠,入直路飛到最出蝕場地,但追勢最強係佢,今次轉去快活谷跑1200米,對手弱咗,重點係換咗個人騎,睇吓會唔會好似之前「快利寶」咁即刻補中!
另外第五場四班1650米,「觀自在」今季可以密密跑,健康至少正常番先,總場次083,配黃俊沿途三叠望空都有第三,但筆者留意到此駒唔只一次係咁上名,認為呢隻馬走外叠更好,上次總場次177,做啱咗第一步,可惜第一個彎走四叠,之後入直路走不利場地,唔計頭馬其實佢都係輸一個馬位,今次難得抽到地頭龍潘明輝,必定搏盡!

您可能有興趣:


首頁