2019年 06月 20日
星期四
   | 氣 溫 : 32 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日電子報

陽光大地搏命
發佈日期 : 2019-01-12

「陽光大地」近兩仗放頭及後上均已試過。

【風花雪月/子樂】第六場第四班泥地1650米,「陽光大地」已由當初70分減到依家43分,但唔係冇可能低處未算低,之不過,最近兩場的確有走勢,睇嚟泥地一哩係最啱跑路程,呢鋪搵到愛將史卓豐,實會搏命。
「架勢」四班此程舉足輕重,但重磅令威力略減,可爭而非超卓。「君悅灣」上場放得有聲有色,呢類老馬未必可以保持,冷就拖吓。「幸運神駒」今季跑極未散,試問點可能放手。
第九場第二班泥地1650米,「烽煙四喜」初上二班,昨午賣到4倍,老苗叫座力一向唔算好勁,但呢隻馬有啲唔同,皆因今季未輸過,轉倉變咗另一隻馬,繼續對準強項,點會唔砌。
「都靈紅星」今季四場得3亞1殿,演出係就係準,但仲有冇分在手?唔多囉。「綫路光輝」忽然轉跑泥地,又忽然用上田泰安,睇落有啲景轟。「人民武士」上場縮落短途爆出冷門,始終係有班底,呢次上番一哩,其實會仲好。

您可能有興趣:


首頁