【風花雪月/子樂】第三場第二班1800米,「四通八達」跑三場攞到冠亞季各一次,呢類蔡廐自購馬好開唔會停手,何況目前分數未夠多,為要爭取打吡入場券,點會唔搏,戰意百分之二百。 「蒙古王」其實之前兩場跑得好好地,係上場突然失準,但換番好賠率,博得過。「喜蓮騏星」上一場係有啲追勢,但又唔係好勁,做腳。「好好瑪」連贏兩場,氣勢如虹,點可能唔要。 第十場第二班1400米,「夏威夷」兩戰非冠即二,又係為打吡而戰,配合今日馬房攻勢,佢守尾門,一定搏到盡,而以佢上一場贏馬姿態,二班一定冇阻力,可爭連捷。 「世界紀錄」擅跑此程,唔好因為上場演出稍為失色,就當佢冇到。「勇闖者」連場衝得似模似樣,隻馬狀態返晒嚟,可爭三甲。「劍斷浪」減分減咗好多,遲早爆一劑,大冷在此。 |
您可能有興趣:
|